141. Bak cix bak roeglaej,

Saej cix saej byalingz,

Baihlaeng dik cauzlimz,

Dingjlingz hangx lij mboep.

(Makdauz)

142. Miz seiq daeg naengh ruz,

Daet saejndw doxcaemh,

Caih baenz nditndat gaenj,

Feiz ruengx cungj mbouj lau.

(Gip vax)

143. Ra yawj mbouj miz luz,

Duzduz ndaemlaeklaek,

Aeu diuzfaex bae ndaek,

Geij bak caeg doxgaen.

(Lwgraz)

144. Ra yawj sam seiq daeg,

Bae ndaek doq daiq ma,

De gwn dangz lwgraz,

Rox baenz max hwnjgawq.

(Bauqdiet)

145. Dungxsaej unqnem imq ndongjndit,

Duet mauh guhhong daenj mauh ninz,

Souh mong souh hoengz caih de gwn,

Gwn imq baenzngoenz mbouj lau baeg.

(Ganghbiz)

146. Gonq de youq bangx bya,

Neix de ma lajdeih,

Naeuz de dai ndeindei,

Lij cuenq heiq meumeu.

(Fungsieng)

147. Lij iq gyaeuj soemsang,

Laux liux gyaeuj nyungqnyangq.

(Gocuk)

148. Duz vaizhau haeuj gamj,

Rag gyog nyangj riengz laeng.

(Gwn haeux)

（20）