Raeuz Cungguek lwgminz,

Simsoh youh coengmingz,

Bungz daengz bi miz bingh,

Guekgya cingq yenzgiu.

Bi ngeih lingz ngeih lingz,

Ok miz binghraq moq,

Cungguek lwgminz rox,

Bingh sanq doh gwnzbiengz.

Gij Cungguek cwngfuj,

De gyaezhoh gyoengqraeuz,

Ok ngaenz youh ok maeuz,

Bouxbingh raeuz yw ndei.

Vih siucawz bingyenz(goekbingh),

Gauj gohyenz ceiq gaenx,

Yizmyauz guh ndaej baenz,

Caez faen vunz bae dwk.

Ndwi gag gyaez guek raeuz,

Lij aeu gyaez guek wnq,

Hai feihgih gvaq gwnz,

Doxlwnh yungh yawhfuengz.

Soengq daengz Nizyizwj,

Gingdoengh vunz yw caez,

Cungjdungj cibfaen gyaez,

Dwg ae daeuj ciepsou.

Soengq daengz guek Biluj,

Yunghu(Bouxyungh) ceiq niemh cingz,

De ndaej daj baez cim,

Simcingz cibfaen ndei.

Bak geij bi gaxgonq,

Mbouj miz donq gwn imq,

Baez bingh dwg dai vunz,

Dwg lajmbwn huxhaih.

Seizneix vunz Cungguek,

Gaenx buekguh yenzgiu,

Biu cehmak yizmyauz,

Doengzcaez gauj ndaej ndei.

Siz Ginbingz ciengz naeuz,

Yaek aeu gauj hingzsiz,

Sengmingh gungdungzdij,

Raeuz cizgiz ciuq guh.

Raeuz hoenx hingz binghmoq,

Cingq goq ceiq okmingz,

Gohyozgyah buekmingh,

Aencingz naek lumj rin.

Vunz Cungguek okmingz,

Itdingh caez haenqrengz,

Mbouj ceng gvaq guek wnq,

Gyaez lwnz vunz raeuz rox.