Gou miz aen ranz vuenyungz ndeu, ndaw ranz miz daxboh、 daxmeh caeuq gou, dou aen ranz sam vunz neix gvaq dwk saedceij vuenyungz.

Daxboh youq gihgvanh danhvei hwnj- ban, de moix haet hwnq ndaej gig caeux, aeu ndaw ranz sousib ndaej seuqsaksak. Lij gingciengz ciepsoengq gou baehag, vih gou cw fwn dangj rumz, mbouj hawj gou deng fwn rwed rumz ci.

Daxmeh dwg boux lauxsae siujyoz ndeu, banngoenz hawj daeggo dahcej hwnjdangz, banhaemh lij sij gyauan, gaij cozyez, hong de gig sinhoj, lij vih dou guh haeuxbyaek ndeigwn, bouj yingzyangj hawj gou, sawj gou ndangcangq majhung.

Daxboh daxmeh gamjcingz gig ndei, mbouj baenzlawz doxceng, saekseiz hix miz yigen mbouj doengz, cijaeu gou gangj aen vahriu ndeu, gij cenglwnh gyoengqde couh dingz roengzdaeuj, sikhaek couh riuhaha.

Gou gyaez aen ranz raeujrub vuenyungz neix, hawj gyaez ciengxlwenx youq ranz gou.

(it nienzgaep Biuz Yisenh)