97. Dungx de nduen dangqmaz,

Mbouj ga cix mbouj gyaeuj,

Gwn heiq mbouj gwn haeux,

Baez moeb couh diuq sang.

(Aengiuz)

98. Miz song daeg nuengx iq,

Mbouj biz hix mbouj sang,

Danghnaeuz vunz gwn can,

De sien ganj cimz feih.

(Dawh)

99. Aen goeng naj ndaemndat,

Youq bangxdat san saeng.

(Duzgyau)

100. Aen goeng naj ndaemndat,

Mbat hat couh daemx mbwn.

(Nyingz cungq)

101. Song duz bit heuhmbatmbat,

Daengz lajdat couh ninz.

(Daenj haiz byaij)

102. Duz maz youq gyang ranz,

Caij rieng yiengj daekgvangh.

(Daem doiq)

103. Boux vunz ndeu sangsang,

Buh leg mbouj rox fong.

(Gogyoij)

104. Naed duh gaeuq daengx ranz,

Aen suenq gaeuq daengx mbanj.

(Aendaeng)

105. Duz maz mbouj miz bwn,

Youq gyangmbwn hoijrok,

Duz maz mbouj miz ndok,

Youq baksok haeb vunz.

(Duzgyau roxnaeuz duzbing)

106. Duz lawz ndoj ndaw haz,

Miz da ndi rox yaep,

Duz lawz youq ndaw laep,

Miz daep mbouj miz daw.

(Duzdaek roxnaeuz duznou)

107. Duz lawz roeg gwn bya,

Gamz daek ma gueng meh?

Duz lawz hemqmbembe,

Din gvih meh gwn cij?

(Roegga caeuq duzyiengz)

（14）