91. Sam nyied bae nazreih,

Ndwen seiq gang liengjbaengz,

Cawzcou baez daeuj daengz,

Ranghraengz daiq lwg ma.

(Biek)

92. Miz song boux beixnuengx,

Boux youq mbiengj ndoi ndwn,

Daj okseiq lajmbwn,

Caengz ndaej raennaj gvaq.

(Song duj rwz)

93. Cam:

Duz maz ndi miz ndang,

Cienz dajvang byaij loh?

Duz maz ndi miz noh,

Doh gwnz raemx ndi caem?

Hoiz:

Duzbaeu ndi miz ndang,

Cienz dajvang byaij loh.

Gangjsaeng ndi miz noh,

Doh gwnz raemx ndi caem.

94. Cam:

Duz maz dawz hong naek,

Bi goj baeg daengz byai?

Duz maz gviq nyaenx lai,

Caeuz ngaiz gueng daengz bak?

Hoiz:

Duzvaiz dawz hong naek,

Bi goj baeg daengz byai.

Duzmou gviq nyaenx lai,

Caeuz ngaiz gueng daengz bak.

95. Song da ndongq dangqmaz,

Miz ga mbouj miz gyaeuj,

Youq giuz ndaeng vunz maeuq,

Bang vunz gaeuj sawfap.

(Nganxgingq)

96. Yiengh de lumj gaiq cien,

Aeu caep ciengz ndi ndaej,

Ndang de hau fouzbeij,

Yingzyangj ndei dangqmaz.

(Daeuhfouh)

（13）