Daeuj yawjyawj daeuj ngonzngonz, sing hung doxdax hainduj lo.

“Oeb oeb oeb, oeb oeb oeb……” A! Dwg duz goep ndeu, de mbe aen sing de ciengq dwk go: “Sing gou hung! Sing gou hung!”

“Bugu, bugu……” Duz roegvaiqguh- vaiqguz ndeu ndwn youq gwnz ngafaex sangvid, sing de goksad youq geij leix gyae cungj dingq ndaejnyi. De daekeiq ciengq dwk: “Sing gou hung! Sing gou hung!”

“Vung vung, vung vung……” Dwg baenz cien baenz fanh duz rwi youq geh va itmienh ciengqgo itmiemh aeu faenjva. Gyoengqde sing hung hemq:“Sing gyoengq- dou hung, sing gyoengqdou hung!”

“Ged ged, ged ged……” Duz bid mbouj fug saw, caemh sing hung ciengq go: “Sing dou hung! Sing dou cij dwg ceiq hung ne！”

“Huhu, huhu……” Daxbuz rumz ci bae ci dauq, lumj cingq angj dwk: “Sing gou cij dwg ceiq hung bw!”

“Cacaca, cacaca……” Gofaex buek- mingh ngauz aen ndang de: “Sing gou cij dwg ceiq hung!”

“Gunglunglung, gunglunglung……” Duz byaj roq aen gyong hung de, gijmaz duz goep ha、duz rwi ha、roeg- vaiqguhvaiqguz ha, cungj mbouj gamj ok sing lo.

“Sasasa, sasasa……” Fwn dahcej vanq naedcaw hung lumj naedduh nei, cijmiz de gamj caeuq duz byaj beij singj hung.

(Cezgyangh Swngj Lozcingh Si Nanzdangz Cin Cunghsim Siujyoz ngeih nienzgaep Hungj Ciyenj)