Gwnzmbwn yienh’ok saeklamz, lumj saek daihhaij nei. Gwnzmbwn sieng geij naed ndaundeiq, yawj hwnjbae gig lumj fandamj sieng hwnj naedcaw nei.

Sawqmwh, gwnzmbwn hainduj vuenh saek lo. Ndaw gyoengqbya baihdoeng yienh’ok di saekgim he, yienh- ndaej daegbied lwenqda, gyaeu ndaej sawj vunz simmaez. Cij raen gij saek de ciemhciemh sanq ok, bu rim daengx aen mbwn. Duj fwj hix deng cungj saek gyaeundei neix nyumx lo, bienqndaej hoengzhoengz henjhenj.

Daengngoenz okdaeuj lo. Daengngoenz ngamq hwnj saek de dwg saekhenj, gig rongh, hoeng mbouj wenjda. De lumj daxmeh unqswnh ndeu, di ndeu cungj mbouj ged, dawz geu ndit daih’it saj youq gwnz daihdeih, hawj doenghgo lajbiengz daiq daeuj raeujrub; de youh lumj dahniq gyaeundei launyaenq ndeu, dawz ndangreuz saundei de ndoj youq ndaw fwj ndaw mok mangmi.

Ciemhciemh dwk, daengngoenz bienqbaenz saek- nding. Ndit dak daihdeih, yienghyiengh cungj yienhndaej ronghmig gyaeundei.

Duz roeg hainduj ciengqgo, rumzhaet ci aen dig de. Ngoenz moq ndeu hainduj lo.

(Cezgyangh Hangzcouh Si Yozginh Siujyoz Houz Fanfanz)