Heujnaj gou deng ciemz bae song swnj, baez riu couh loh aen congh ndaem he okdaeuj, yakyawj dangqmaz.

Ngoenz singhgizroek, gou youq bakdou siujgih guhcaemz, yawjraen daxgoeng hendou, gou couh hwnjbae dongx de. Daxgoeng hendou najriu doiq gou naeuz: “Yenzyenz, mwngz dwg baenzlawz hen ranz ha, douhung ranz mwngz cungj deng vunz caeg bae lo……” Caengz caj daxgoeng gangj sat, gou couh ganjgip buet ma ranz, ndawsim siengj: Dai lo, douhung cungj deng vunz caeg bae lo, saeklaeuq caegsaeq…… Gou mbouj gamj caiq siengj roengzbae, baegfofo buet hwnj roek laeuz, douhung lij ndeindi’ndi youq gizde, dou gven ndaej ndaetndetndet. Hw! Daxgoeng hendou baenzlawz ndaej dawz gij saeh neix daeuj gangjriu ne? Gou hujdengdeng buet bae cam de. Mbouj liuh daengz daxgoeng hendou riuhaha, naeuz: “‘Douhung’ ranz mwngz mbouj couh dwg heujnaj mwngz ha?” Dingq daxgoeng baenzneix gangj, gou mbouj eiqseiq riu lo.

(Huzbwz Swngj Cinghmwnz Si Sahyangz Sizyen Siujyoz ngeih nienzgaep Liuz Yiyenz)