Seizcin daeuj lo, dahsau seizcin riuj cwx va ndeu daeujdaengz henz go’nywj, gizdieg de lumh gvaq haenx cungj bienq heu lo. Go’nywj couh youq ndaw rumzcin majhung, maj ok mbaw moq heuyauyau. 

Dahsau seizcin ngamq byaij bae, daeggo seizhah yiedcingz haenx couh daeuj lo. De baez daeuj, daihdeih couh deng cit ndaej ndatfwdfwd, go’nywj cungj deng cit roz lo. Mwhde, raq fwn hung ndeu daj gwnzmbwn doek roengzdaeuj, go’nywj gwn raemx imq le, maj ndaej engq heu lo, vih seizhah dem hwnj caengz heuloeg he.

Seizhah daeggo ngamq byaij bae, seizcou daxmeh couh riengz rumzcou mbin daeuj lo. Go’nywj bienqbaenz saek henjgim lo, mak gwnz faex cug lo, doenghduz yaek gvaq seizdoeng haenx cungj daeuj mbaet mak bae bwh gwn lo!

Daxmeh seizcou ngamq yaek caeuq raeuz doxbiek, daxgoeng seizdoeng riengz raq rumznit ndeu sawqmwh daeujdaengz lo. Gwnzmbwn nae lumj fwjhau nei mbin roengzdaeuj, lumj faiq nei hoemq youq gwnz go’nywj, dinghdingh caj seizcin bimoq. Mwh seizcin bimoq daeujdaengz, go’nywj youh daj ndaw namh ndonj aen gyaeuj okdaeuj lo. Neix caen lumj canghsei Bwz Gihyi Dangzcauz naeuz nei: “Feizdoengh coemh mbouj dai, rumzcim ci caiq maj” ha!

(sam nienzgaep Cangh Simhningz)