Rumzcou ci henj le faexyinzging, ci nding le go raeu, hix ci hom le go va’gviq bakdou ranz gou.

Mwh gou cingq sij cozyez, henz ndaeng mbin daeuj raq feih hom ndeu, gou cuengq roengz bit, riengz feih hom daeujdaengz laj laeuz. Mbouj rox seiz lawz, va’gviq cungj hai va lo. Va’gviq iqet hai rim gwnz nga faex, daj geh mbaw heu ndonj aen ndang okdaeuj, lumjbaenz yawjyawj aen biengz neix. Gou haeuj gyawj yawj, limqva henjrwg iqet limq nem lumq, lumj aen daengngoenz iqet nei. Gou nyaenx mbouj ndaej iet fwngz bae lumh, ngamq bungq deng, faenjva couh loenq roengzbyoegbyoeg, mbaw heu couh sikhaek daenj hwnj buhhenj.

Raq rumz liengz he ci gvaq, gou laep aen da hwnj, sup gaemz heiq hung ndeu, feih hom daiq miz di feih dangz ndonj haeuj aen ndaeng gou, gou lumjbaenz deng va’gviq humx dawz lo.

Gou gyaez va’gviq seizcou neix.

(ngeih nienzgaep Ciz Ginhsiuh)