Mbanjranz gou youq Gvangjsih Cungzcoj Si, gizhaenx dwg dieg ndaem oij ceiq lai guek raeuz, dwg “singz dangz” Cungguek. Dingq daxboh naeuz, bouxminz mbanjranz cojcoj coengcoeng ndaem oij gvaq ngoenz, byaij ok diuz roen vutgungz baenzmiz ndeu.

Binaengz ndwensam, vunz ndaem oij hainduj ndaem oij, yienzhaeuh dinghseiz dwk bwnh、byoq yw、bok mbaw daengj, sinhoj gouj ndwen, cij daengz oij baenz. Seizneix, hix dwg seiz vunz ndaem oij ceiq sinhoj, gyoengqde doq lienzhaeh dieg gai, doq lienzhaeh vunz raemj oij, ganj youq gvaqcieng gaxgonq raemj oij liux.

Seiz raemj oij dwg seiz ceiq hoengh ndawmbanj. Gyoengq beix- nuengx bouxboux daenj buhraez vaqraez, bau bonjfaenh deihdeih maenhmaenh bae. Hainduj gou ngeizvaeg raixcaix, doeklaeng daxboh lwnh gou lo, yienzlaiz mbawoij miz oen iq lai, lij raeh dem, yungzheih heh deng vunz, ndigah gyoengqvunz guhhong aeu hoh ndei bonjfaenh. Daxboh lij naeuz, caezgya raemj oij riengjret, daih’it aeu sam seiqcib gaiq oij haed baenz bog, yienzhaeuh aeu bog oij buen hwnj aen ci hung yinh oij bae, cang rim aen ci hung couh hai aen, gwnz roen ci yinh oij aen bae aen dauq, laebdaeb nyaengq hong cib geij ngeihcib ngoenz. Gyoengq beixnuengx guhhong rengz- rwdrwd, doxbang guhhong, ciengj sou nyaengqfofo, muengh vaiqdi sou ndaej cienz oij, gvaq mbat cieng soengsat ndeu. Gvaiq mbouj ndaej gou binaengz youq ranzlaux gvaq- cieng, cungj yawjraen gyoengq beixnuengx naj riunyumnyum, cungj dingqnyi sing riu vandiemz gyoengq beixnuengx.

Gou roxyiuj：Guhhong cauh caiz, diuzroen baenzmiz mbanjranz diemz- subsub.

(Nanzningz Si Cinghsonh Siujyoz Lij Lingzyinz)