7 nyied 30 hauh, vunzmbanj youq Sanhgyangh Dungcuz Swciyen Duzdung Cin Yimaj Cunh Mbanjgauhyij sou dangzrwi. Bineix, aen mbanj neix baengh diuzgienh ndei, doenggvaq “hozcozse+nungzhu+dinghdan”, youq goekndoeng ciengx rwi, seizneix gungh ciengx rwi 600 rongz, gujsuenq sou ndaej dangz 3000 goenggaen, dij cienz daih’iek 60 fanh maenz, bangrengz vunzlai gyalai diuzroen laisou baenzmiz.

(Gungh Bujgangj ingj)