7 nyied 30 hauh, Guekgya Minzveij hai aen hoih dangjcuj, cienz hag gij cingsaenz aen ban ciendaez yenzdauj “hag gij cingsaenz gangjvah youqgaenj Siz Ginbingz cungjsuhgi, ciepcoux Ngeihcib Daih Dangj” swngjbu gaep cujyau lingjdauj.

Aen hoih ceijok, youq hai Ngeih- cib Daih Dangj gaxgonq, Dangj- cunghyangh banh aen ban ciendaez yenzdauj “hag gij cingsaenz gangjvah youqgaenj Siz Ginbingz cungjsuhgi, ciepcoux Ngeihcib Daih Dangj”, miz yiyi hungnaek. Gij gangjvah youqgaenj Siz Ginbingz cungjsuhgi, gohyoz faensik le gij hingzseiq gozci ndaw- guek seizneix, lwnhgangj le hong 5 bi gvaqbae caeuq gij bienq hungmbwk 10 bi seizdaih moq, lwnhgangj le aen lijlun hungnaek caeuq vwndiz saedguh seizdaih moq dingjmaenh caeuq hwngfat sevei cujyi miz daegsaek Cungguek, gangj mingzbeg le aen dacwng fuengcim caeuq hengzdoengh ganghlingj hwngfat dangj caeuq guekgya saehnieb duenh seiz cog- laeng, daezok baenzroix swhsiengj laegdaeuq、buenqduenh hungnaek caeuq banhfap youqgaenj, miz cwngci、lijlun、cijdauj haenq dangqmaz, dwg bien vwnzyen ganghlingjsing Maj- gwzswh Cujyi ndeu, vih daengx dangj doengjit swhsiengj caeuq hengzdoengh ciepcoux Ngeihcib Daih Dangj hai ndaej baenz roengz ndei giekdaej cwngci、giekdaej swhsiengj、giekdaej lijlun youqgaenj, vih doicaenh cienz- mienh hwnqguh sevei cujyi yendaiva gunghawj cijdauj caeuq ciuqei youq- gaenj.

Aen hoih giengzdiuh, 5 bi gvaq- bae caeuq 10 bi seizdaih moq dangj, aenvih miz Siz Ginbingz Cungjsuhgi dangguh vaedsim dangjcunghyangh、vaedsim daengx dangj gaem dox lingxdaeuz, miz gij swhsiengj sevei cujyi miz daegsaek Cungguek seizdaih moq gohyoz ceijvix, ndigah raeuz ndaej yungh baenzroix banhfap miz canloz, doicaenh baenzroix saedguh miz bienqvaq, saedyienh baenzroix cingzcik baenaj miz dwkbyoengq, aeundaej baenzroix cwngzgoj miz daegsaek, gungroengz haujlai nanz- daez ciengzgeiz mbouj gaijgez de, banh baenz haujlai saeh hung gvendaengz coglaeng de, cwngci、ginghci、yisiz hingzdai、swyenzgai daengj fuengmienh ginggvaq haujlai fungyiemj deuqnyex cungj dingj ndaej, dangj caeuq guekgya saehnieb aeundaej cingzcik doenghbaez caengz miz gvaq、miz bienq doenghbaez caengz raen gvaq.

Aen hoih iugouz, Guekgya Minzveij hidungj aeu cietsaed dawz swhsiengj caeuq hengzdoengh doengjit daengz gij cingsaenz gangjvah youqgaenj Siz Ginbingz cungjsuhgi, doengjit daengz gij anbaiz baijbouh Dangjcunghyangh, itcig baujmaenh gij cingsaenz gag gwzming, guh ndei cukmaenh gij eiqsik caezcaemh Cunghvaz Minzcuz、gyagiengz gak hangh hong hwnqguh aen minghyinh caezcaemh Cunghvaz Minzcuz, yungh hengzdoengh saedsaeh ciepcoux Ngeihcib Daih Dangj hai ndaej baenz.

(Guekgya Minzveij)