Ranz gou ciengx duz byagim ndeu, gou gig maij de. Doiqda de doddudu, ndang henjgim, gyaep gwnzndang baiz ndaej cingjcingj caezcaez, youq lajndit engqgya lwenqda. Moix baez gou cuengqhag ma ranz, cungj gueng di haeuxbya hawj de gwn. Yawj! De gwn ndaej geijlai van ha, lumj gwn nohbyaek feihdauh nei.

Miz ngoenz ndeu, gou gaem haeuxcaeux gou ——mienhbau daeujdaengz baihnaj de, gaemz hung gwnngoebngoeb, mienhbau fat ok gij heiq homfwdfwd. Mbouj rox dwg mbouj dwg duzbyagim nyouq daengz heiqhom lo, de da yawjmyoegmyoeg yawj dwk gou, lumjbaenz naeuz: “Bouxcawj, hawj gou gwn di vei, gouzgouz mwngz lo.”

Duzbyagim ranz gou caen dwggyaez ha!

(it nienzgaep Liengz Yizcwngz)