（ciep geizgonq）

“Baenzneix raeuz lij aeu gijmaz, daxboh?”

“Sijsaeq yawj seiqhenz.” Nyaenma sienseng naeuz, “mwngz yawj mbouj raen miz gijmaz doxgaiq hawj mwngz roxnyinh mizyinx?”

Duzvanh caeuq duz nyaenma ceiq iq haenx yawj coh giz byongh rongh byongh ndaem, seiz lwgda gyoengqde doiq ndaemnyam gvenq lo, gyoengqde hainduj yawjraen, gwnzgyaq ciengzrin cuengq miz daihbuek doxgaiq yiengh lumj guenq bohliz. Gyoengqde byaij haeuj gyawj geij yamq, caen dwg guenq dahraix, miz baenz geij bak aen bw! Moix aen guenq gwnzde cungj raiz miz “laeuj makbingzgoj”.

Duz nyaenma ceiq iq diuq hwnj sangsang mbat ndeu, “va, daxboh,” de angq hemq, “yawj vei, raeuz ra raen gijmaz lo, dwg laeuj makbingzgoj!”

“Dwg vei.” Nyaenma sienseng naeuz.

“Caen dwg ndei daengz hawj gou mbouj rox gangj gijmaz lo!” Duzvanh hemq naeuz.

“Aen deihgoengq laeuj makbingzgoj baexmaed Bij- wnh,” Nyaenma sienseng naeuz, “hoeng raeuz guh saeh aeu siujsim cij ndaej! Gaej ok- sing, aen deihgoengq neix couh youq laj aen ranz ciengz dajciengx.”

Duzvanh gangj naeuz: “Laeuj makbingzgoj doiq duz- vanh dou ndei lai lo, dou aeu de dang nyouh yungh. Ngoenz sam donq, baez cenj hung ndeu, linghvaih, yaek ninz, gwn cenj ndeu dem.”

“De yaek hawj hoihlaeuj raeuz bienqbaenz hoihlaeuj hunghoengh.” Nyaenma sien- seng naeuz.

Mwh gyoengqde gangjvah, duz nyaenma ceiq iq gaenq laeglemx daj gwnzgyaq buen guenq ndeu roengzdaeuj, caiq ndoet gaemz hung ndeu lo.

“Wn,” de diemcaw danq naeuz, “wn, mwngz itdingh rox, neix mbouj dwg cungj laeuj makbingzgoj cit bingzciengz ndaw bouq gai haenx, neix dwg huq caen, dwg gij laeujget ranz yungh! Yaek hawj mwngz hoz hwnj feiz, dungx goenj.” Duz nyaenma ceiq iq diemcaw fofo naeuz, “gij laeuj makbingzgoj neix baenz caen!”