Ngoenz seizcou liengzsisi ndeu, ndaw ndoengfaex heuswd nauhyied dangqmaz, yienzlaiz dwg doxdax beng- cag bi gvaq baez couh yaek hainduj lo.

Duz noucoengz iq ndeu caeuq duzdouq iq ndeu cingq gangjgoj, “mwngz dwg doihbavangz roxnaeuz doihgezswng?” Duzdouq iq cam naeuz. “Gou dwg doihgezswng, mwngz ne?” Duznoucoengz iq fan cam naeuz. “Gou hix dwg doihgezswng, raeuz dwg bouxdoih!” “Gyayouz!” Songde dopdop fwngz dox gyayouz.

Daengz dieg doxdax lo, haujlai doenghduz iq cungj daeuj lo, miz duz- lingz、duzciengh iq、duzmax iq lijmiz duzroeg dem……， caezgya daeuj caez le, duzsaeceij hemq naeuz: “Gaiq daih 100 doenghduz ndawndoeng doxdax bengcag seizneix cingqsik hainduj lo! Cingj yindungyenz haeujciengz!” Riengzdwk, bouxbuenq duzmaxraiz naeuz:“Gak boux daengz vih, yawhbwh! Hainduj!” Doxdax hainduj lo, gyoengq doenghduz miz mbangj yungh bak haeb diuzcag, miz mbangj yungh fwngz rag, lijmiz doq yungh fwngz rag, doq yungh heuj haeb diuzcag naetndaet bae, caezgya cungj yungh rengz rag dangqmaz, byawz hix mbouj nyiengh byawz.

Song aen doih cingzcik mbouj hwnjroengz saekdi, sawqmwh, “bung” mbat ndeu! Diuzcag goenq lo, doih- bavangz caeuq doihgezswng byawz hix mbouj hingz byawz, hoeng caezgya cungj vuenheij dangqmaz, aenvih “cingzngeih daih’it, doxdax daihngeih” ha.

(ngeih nienzgaep Yangz Muzcin)