Ngauq rin hung Ginhginh raen miz gomiuz heuswdswd ndeu, daj ndaw dong rin maj okdaeuj, de doeksaet yat. Ginhginh cam：“Mwngz dwg byawz ha? Guhlawz daj dong rin baenzneix geng maj okdaeuj?” Gomiuz naeuz：“Gou dwg godaengngoenz, yungh haujlai rengz, cij dongj byoengq namh, dongj fan ngauq rin, maj okdaeuj.”

Ginhginh riu naeuz: “Mwngz caen maenh’ak!” Godaengngoenz naeuz：“Gyo’mbaiq mwngz.” Daj neix, gyoengqde miz gangj miz riu, baenz song boux baengzyoux ndei lo.

Seizhah, doek raq fwn hung ndeu. Godaengngoenz buekmingh majhung, maj baenz godaeng- ngoenz cocwd ndeu, lij maj rongzva dem.

Menhmenh, godaengngoenz hai va hoengh lo, limqva henjrwd, buenzva saekdaep, mbaw heuswd- swd. Aen daengngoenz raen le riu naeuz：“Mwngz caen gyaeundei ha!” Godaengngoenz naeuz：“Gyo- mbaiq mwngz, dwg mwngz hawj gou bienq gyaeundei baenzneix.”

(Vazdungh Swhfan Dayoz Suhcouhvanh Saedniemh Siujyoz Mauz Swngningz)