Ranz gou miz duzgvi dwggyaez ndeu, gou heuh de “Diemjdiemj”. Gyaplaeng Diemjdiemj dwg saek- heufug, gwnzgyap miz haujlai aen doz hingzroekbien hunghung iqiq, naengdungx saekhauhaeux lijmiz diemj dem diemj raizva dem. Gwnz aen’gyaeuj soemsuq miz doiq lwgda iqet luenzlulu ndeu, baihlaj aenndaeng miz faj bak yiengh cih “bet” Sawgun ndeu, dwggyaez dangqmaz!

Seizneix gaenq dwg seizdoeng lo, duzgvi hix daengz seiz ninz- doeng lo. Mboengq ninzdoeng gaxgonq, gou cungj gueng gaiqgwn hawj de lai di, hawj de youzlauz doh. Gou bingzciengz dwg aeu nohgungq daeuj gueng de, caemh- caiq dawz noh faen baenz 4 faenh, cuengq haeuj ndawbat duzgvi bae, duzgvi lumj nyouq raen feihhom nei, riengjret gvaqdaeuj, haeb noh haeuj bak bae, menh- menh nyaij.

Gou lij caepcawq di sa cumx ndeu, cuengq duzgvi roengz gwnzsa bae, de rox gag con haeuj ndawsa bae. Gou couh dinghseiz saj raemx, hawj sa ciengzseiz cumx, fuengz duzgvi aenvih mbouj miz raemx deng dai, duzgvi ninzdoeng aeu caem, dieg aeu raemh, mbouj ndaej ciengzseiz bae gaujcauj de.

Neix couhdwg Diemjdiemj duzgvi ranz gou.

(ngeih nienzgaep Vangz Cauhcingh)