Ndit raeujrub ciuq youq gwnz dieg, ciuq youq gwnz faexsang, ciuq daengz ndang bouxboux doengzhag. Doxdax bengcag bi guh baez youh hainduj lo, gyoengq doengzhag cungj angqyangz raixcaix.

Daengz banringzgvaq, ndit ciuq youq daengx aen hagdangz, sojmiz cungj bienq ndaej ronghsagsag. Yaek hainduj doxdax bengcag lo, doengzhag ban dou doxcaez daeuj daengz dieg doxdax. Dieg doxdax miz diuz cag youh raez youh laux ndeu, cungqgyang diuzcag miz mbaw geiz iq ndeu, youq laj nditrongh lwenqda raixcaix. Seizneix doiqfueng hix caepcawq ndei lo.

Doiqfueng dwg doengzhag ban roek(seiq), ban gyoengqde miz haujlai boux sang hung, yienghneix yawj gyoengqdou gaenbonj doxdax mbouj ndaej gvaq gyoengqde! Gyoengqdou boux doxdingj boux, yienghneix lai miz rengz.

“Ri” riengz sing sauq yiengj, gyoengqdou hainduj ciengz doxdax neix lo.

Doengzhag ban gyoengqdou cungj ngeng coh baihlaeng, yungh gij caix neix, hawj diuzcag mbouj doengh saek di. Sawqmwh gyoengqdou hemq gouj- hau：“It ngeih sam rag! It ngeih sam rag……” Hoeng diuzcag lijdwg mbouj doengh saek di. Gyoengq doengzhag lumjbaenz miz di gaenj lo, diuzcag sawqmwh bongh bae coh doiqfueng, rumz baed huhu, lumjbaenz riu gyoengqdou, boux doengzhag youq daeuz doiqfueng riu, yawj gyoengqde yaek ndaej hingz lo. Gyoengq doengz- hag ban dou youq henz hemq:“Ban roek(sam) gyarengz! Ban roek(sam) gyarengz!” Gou yungh rengz gaemdawz diuzcag, song ga ok rengz, naj nding- fwdfwd, ok rengz rag, diuzcag dauqdaej dingz lo, sim gou dingh roengzdaeuj lo. Yungyiemj lai, ca di deng rag gvaqbae lo! Seizneix boux doengzhag youq daeuz ban dou hemq：“It ngeih sam rag! It ngeih sam rag!……” Gyoengqdou ok rengz daengx ndang liux rag coh baih dou, diuzcag dauqdaej coh gyoengqdou lai di, faex yiengj “sasa”, lumjbaenz dwg gujli, ndaej hingz lumjbaenz couh youq baihnaj. Gyoengqdou yungh rengz baez rag, haha! Gyoengqdou hingz ndaej ciengz doxdax neix lo! Caen dwg ak lai!

Daj ndawde gou roxyiuj——Doxgiet couh miz rengz! Doxgiet couh miz rengz!

（roek nienzgaep Yingj Yijnoz）