Miz ngoenz ndeu, Lungz Byauh gag baengh youq gokciengz aeu diuz fiengz he gviq gij baksieng, bouxfamhlaux byaengqda, song lwgda de ronghmyanmyan cim Lungz Byauh, sing daemq cam le coenz ndeu:

“Gvenq luba?”

Lungz Byauh gig doeksaet, liuh mbouj daengz bouxfamhlaux neix lij rox gangjvah.

“W.”

“Gig ndei.” Bouxfamhlaux muengh coh gahengh Lungz Byauh naeuz:“Deng gyoengqde dub sieng?”

“Mbouj suenq, gaxgonq couh deng ngwzdoeg haeb lo, deng gyoengqde baez dub, couh engq naeuh lo.”

“Ha!”

“Ngwzcaetyamq.”

“Suenq mwngz mingh ndei, ngwzcaetyamq haeb mwngz lij mboujcaengz dai.”

“Hei hei!”

“Rox gij ywdoj yw deng ngwz- doeg haeb lwi?”

“Mbouj rox.”

“Saeh geizheih lo.”

“Miz duzyou baujyouh.”

“Vahhoengq!” Bouxfamhlaux youh laep da gangjgvegve, “gou loengh duzngwz ndaej samcib lai bi lo, danghnaeuz baengh duzyou baujyouh, gaenq dai lo.”

(caengz sat)