Laeb guek caetngeih bi,

Daj iq bienq giengzdaih,

Gungcanjdangj ndei lai,

Raeuz simhai najrongh.

Caengz gaijfang gaxgonq,

Bae gwngonz dicuj,

Naed haeux mbouj ndik yuz

(youz),

Ndang byombyu rengz naiq.

Miz vah gangj mbouj ndaej,

Siengj daej daej mbouj ok,

Souh saw gyaux byaeknok,

Fouq ndok byom lumj fwnz.

Gungcanjdangj lingjdauj,

Daiq raeuz gauj gwzming,

Doihraeuz gyoengq lwgminz,

Ndaej binjndang(fanndang)

guhcawj.

Nyoengxlaemx “sam goengq

bya”,

Ung suenva hoengzoq,

Gizgiz bienq yiengh moq,

Gungzhoj bienq fouqmiz.

Ngamq laeb guek goeknduj,

Gizlawz duj(cungj) ndoqndang,

Deng guek rog haephangz,

Guek minz gyangz haemzhoj.

Gungcanjdangj lingjdauj,

Daiq raeuz gauj gensez,

Gunghyez caeuq nungzyez,

Gak hangzyez hoenghvuengh.

Gyaudoeng goj fatdad,

Lwgminz dab siujgangh,

Haeux rim loengx rim cang,

Gozfangz engq maenh’ak.

Guek fouq lwgminz giengz,

Yienghyiengh gauj hwnjbae,

It ngoenz it mbaek lae,

Doxbae engq fanzyungz.

Aen dangj cungjsuhgi,

Gizgiz aeu minz eiq,

Cunz daengx guek biengzdeih,

Maeuzleih hawj lwgminz.

Bya heu raemx goj saw,

Naedcaw myebmyeb rongh,

Ndaw doengh caeuq gyang-

hongh,

Mak duengh gva byaek oiq.

Gyaudoeng gig fuengbienh,

Seiqmienh lumj muengxgyau,

Naengh feihgih baedauq,

Saumbauq seng’eiq vuengh.

Saedceij ngoenzngoenz ndei,

Mbouj youheiq gwndaenj,

Bouxlaux caeuq lanlaenj,

Caez danqhaenh dopfwngz.

Ranzhaz bienq ranzlaeuz,

Mou ma bit gaeq lai,

Ciengx yiengz caiq ciengx vaiz,

Fatcaiz bouxboux angq.

Gwn raemx gaej lumz mboq,

Haengzoq(fouqmiz) gaej lumz

dangj,

Caez simvuen angqyangz,

Riengz dangj bongh siujgangh.