Gaxgonq, miz naed ceh ndeu doek youq ndaw diegsa, de gadog dangqmaz, aenvih ndaw diegsa mbouj miz saek go doenghgo, mbouj miz saek duz doenghduz.

Cigdaengz miz ngoenz ndeu, duz roegiq ndeu mbin daeuj, naedceh doiq roegiq naeuz：“Roegiq, raeuz guh baengzyoux ndei baenz mbouj baenz？” Roegiq naeuz：“Ndei ha!” Naedceh youh naeuz：“Yienghneix mwngz soengq gou daengz dieg miz namh miz raemx ndaej mbouj ndaej?” “Mbouj miz vwndiz.” Roegiq naeuz. Yienghneix, roegiq couh daiq naedceh mbin coh gyangmbwn, bae daengz dieg miz doemnamh lo.

Seizgan gvaq ndaej caen vaiq, yaepyet, naedceh gaenq maj baenz gofaex hung lo. Hoeng de ciengxlwenx lumz mbouj ndaej duz roegiq bihaenx, hix ciengxlwenx lumz mbouj ndaej, dwg duz roegiq haenx, daiq de daengz dieg miz doemnamh, hawj de ndaej sengmaj.

（Neimungzguj Dunghliuz Si Saedniemh Siujyoz Liengz Yizbingz）