“Gij ciengz cungjsuenq veh ndaej lo!”9 nyied 15 hauh, geij boux lwghag fwngz gaem bitveh angq dwk naeuz. Yenzlaiz, cuengq sujgyaj le, Yungzsuij Myauzcuz Swciyen Dalang Cin Mbanj- gauhbeiz Dangj Cungjcihbu ciu le 6 boux daih- hagseng Dalang Cin youq doengh faq ciengz hoengq Mbanjlahcai veh veh. Gyoengq lwghag yungh le song ndwen lai cij veh ndei. Doengh fuk veh neix cawjdaez dwg “vuenyungz baengh buekguh, hwng guek baengh saedguh”, baijok gij ciengzgingj vunzmbanj youq ndaw reihnaz guhhong de, gujli Mbanjmyauz roengzrengz guhhoengh lajmbanj, neix caemh vih cauhlaeb aen lajmbanj gyaeundei okrengz.（Veiz Cuzliz / 韦竹立）