Bineix doxdaeuj, Lozcwngz Mulaujcuz Swciyen gak gihcwngz dangjcujciz aeu lai cungj hingzsik bae lwnhgangj son’gyauq lizsij aendangj. Gyoengqde senj le buek dangjyenz ganbu rox gangj Vahcuengh、vah Mulaujcuz、vah Yauzcuz、vah Dungcuz daengj laebbaenz 22 aen donzlwnhgangj, daengz gak mbanj miz siujsoq minzcuz comzyouq de aeu song vah bae lwnhgangj lizsij aendangj. Caemhcaiq guh 142 ciengz cawjdaez hozdung lumjbaenz “angqhoh bak bi ngoenzseng aendangj, gou miz vah gangj hawj aendangj dingq” daengj. Gak gihcwngz dangjcujciz lij giethab “gou vih vunzlai guh saedsaeh”daengj hozdung, cujciz dangjyenz ganbu bae daengz gak segih、yanghcin、mbanj daengj bang ginzcung gaijgez vwndiz, daengz seizneix gungh bang vunzlai guh le 2000 lai gienh saedsaeh. Lozcwngz guh lai yiengh hozdung bae hag lizsij aendangj, dazyinx gak minzcuz beixnuengx gamjsouh gij simnduj caeuq sawjmingh boux gungcanjdangjyenz, hawj gyoengqvunz engq miz gietsim caeuq saenqsim gyaepgouz ndwenngoenz gyaeundei, doidoengh sonhag lizsij aendangj caeuq angqhoh aendangj laebbaenz 100 hopbi doxyungz.

（Cinz Yungjdungh/覃永东）