Mboengqneix, Guekgya Minzveij Gaujcazcuj bae Nanzningz Si diuyenz si de cauhlaeb aen si yienghbanj guh minzcuz doxgiet baenaj. Gaujcazcuj gonqlaeng bae daengz si de Majsanh Yen Gujcai Yauzcuz Yangh、Gujlingz Cin Mbanj Siujduhbwz、Mbanjsanhgyaz daengj dieg, ngonzyawj le gij yienghceij minzsug gaenq gaijndei de caeuq gyonghoih、fouxfaexsaux、 fwenha daengj feihyiz vwnzva biujyienj, saeddieg yawjyawj gij hong minzcuz doxgiet Majsanh cauhlaeb ndaej baenzlawz yiengh, gaujcaz gij cingzgvang coengh rengz lajmbanj hwnghoengh、vwnzva minzcuz caeuq lijyouz yungzhab hwngfat daengj.

Gaujcazcuj nyinhnaeuz gij hong minzcuz doxgiet Majsanh guh ndaej ndei, maqmuengh yienh de aeu geiqmaenh gij dak Siz cungjsuhgi, mbouj lumz simnduj、mbouj lau hojnanz, haenqrengz baenaj, laebdaeb lwnhgangj caeuq guhsaed gij cwngcwz minzcuz, byaijok diuz roen miz daegsaek Majsanh daeuj.

Majsanh Yen yaek mboujduenh haglaeg guhsaed gij cingsaenz gangjvah youqgaenj Siz Ginbingz cungjsuhgi laeng Aen Hoih Hong Minzcuz Cunghyangh, mboujduenh ra roen moq、fuengfap moq、hingzsik moq bae guh hong minzcuz, gietcomz gijrengz、coicaenh minzcuz yungzhab caeuq canjnieb hwng- hoengh, yunghsim rwed ok duj va minzcuz doxgiet baenaj engq gyaeundei lai saek ndeu.

（Vangz Yaugunh / 黄耀昆）