Caet nyied it hauh beksingq angq,

Goenghoh dangj raeuz ndaej bak bi.

Ciengq go goksad miz lwgnyez,

Rumz ci cienz daengz cien fanh leix.

Dangj dwg daengngoenz nyez dwg va,

Dujva hai coh aen daengngoenz.

Hungzlingjginh dou gyaez dangj lai,

Daihdaih mbouj lumz gungcanjdangj.

Geizhoengz dangj raeuz dangjrumz mbin,

Mbouj lumz lwedhanh gyoengq lezsw.

Aencingz aendangj dou aeu rox,

Gyo’mbaiq aendangj geiq ndawsim.

Daj iq couh aeu mbouj lau hoj,

Vih guek okrengz dou miznaj.

Doeklaeng dou aeu laebdaeb byaij,

Saenqhwng guek raeuz duh faenh dou.

Haenqrengz hagsib miz dungxcaiz,

Majhung bauqdap aendangj raeuz.