Cibgouj daih haihoih,

Gangj mbouj noix diuz daez,

Siz Ginbingz yawj gyae,

Gangj lae lumj raemxmboq.

Cibgouj daih gangj naeuz,

Hawj raeuz duet gungzhoj,

Hanh bae daengz bi moq,

Duet hoj caeuq duet gungz.

Cibgouj daih baugau,

Gangj hau lumj dujfaiq,

Haenqrengz guh dahraix,

Cij byaij ndaej daengz gwnz.

Bouxmbanj caeuq bouxrungh,

Miz bouxgungz bouxhoj,

Bouxboux daeuj bangcoh,

Caezgya goj bienq fouq.

Bouxmbanj caeuq bouxrungh,

Gungzhoj mbouj hawj nem,

Vid dinvaq vid gen,

Haenqrengz doengzcaez guh.

Cibgouj daih gangj ndei,

Diuzdiuz ngeix beksingq,

Seizneix bae ywbingh,

Lij lingh bouj ndaej ngaenz.

Gangj daengz dwk fujbai,

Vunzlai bouxboux angq,

Bouxlawz dwg vunz famh,

Couh fan de roengz daiz.

Dwk fujbai roengz daiz,

Raeuz vunzlai cij onj,

Dangj daiq raeuz bae gonq,

Onj lumj ruz cib cauh.

Miz roen youh miz dienh,

Fuengbienh raeuz baenzlai,

Bae dauq roen mbouj byaij,

Bae gai miz ci naengh.

Ndaw mbanj caeuq ndaw haw,

Lumj aencaw fat rongh,

Gyanghaemh ndaw diuz hongh,

Daeng ndongq lumj daengngoenz.

Gaen riengz gungcanjdangj,

Siujgangh youq seizneix,

Gvaq hwnj ndwenngoenz ndei,

Mbouj caj geijlai nanz.

Cwngcwz dingh ndaej ndei,

Simheiq(simnyap) bienq vuenyungz,

Bouxmbanj caeuq bouxrungh,

Cungj lumj youq diegsien.

Cibgouj daih ndei lai,

Nai mbouj liux mbouj caenh,

Gaen riengz gungcanjdangj,

Roen bae gvangqlienglieng.