Miz ngoenz ndeu banhaet, mwh duzmoed iq caeuq duznon iq cingq guhcaemz yawjraen duz- biengzbeih iq cingq aeu dangz, duzmoed iq caeuq duznon iq cam de:“Duzbiengzbeih iq, mwngz ndaejhoengq lwi?” Duzbiengzbeih iq naeuz:“Ndaejhoengq ha, baenz- lawz yiengh?” Duzmoed iq caeuq duznon iq naeuz：“Yienghneix raeuz doxcaez guhcaemz ha!” Duzbiengzbeih iq:“Ndei ha.” Yienghneix duznon iq、duz- biengzbeih iq、duzmoed iq couh guhcaemz hwnjdaeuj. Mwh cingq guhcaemz angqyangz gyoengqde raen gaeqmeh daiq gyoengq gaeqlwg buen ranz lo. Duznon iq naeuz:“Gaeqmeh daiq gaeqlwg buen ranz lo, byukgyaeq mbouj aeu lo, mboujnex raeuz aeu byukgyaeq daeuj guh aendox- ndiengq ba.” Duzmoed iq caeuq duzbiengzbeih iq naeuz：“Ndei ha.” Yienghneix gyoengqde aeu daeuj faj benj ndeu cuengq gwnz byukgyaeq. Duznon iq youq baihswix, duzmoed iq youq baihgvaz, duzbiengzbeih iq youq henz dopfwngz, couh yienghneix ndiengq bae ndiengq dauq, gyoengqde guhcaemz vuenheij dangqmaz.

Gvaq yaep ndeu, duz- biengzbeih iq naeuz：“Mboujnex raeuz hwnj mbwn bae guhcaemz ba.” Duzmoed iq caeuq duznon iq naeuz:“Ndei ha!” Yienghneix gyoengqde aeu byukgyaeq guh baenz aen yezgigiuz ndeu. Guh ndei le, duzmoed iq caeuq duznon iq naengh youq gyang yezgigiuz, duzbiengzbeih iq mbin baihnaj daiq roen. Duzbiengzbeih iq naeuz：“Ndei guhcaemz lwi?” Duzmoed iq caeuq duznon iq naeuz：“Ndei ndei, gij gingjsaek mbwn caen ndeiyawj ha!”

Daengz banringzgvaq, sawq- mwh doek fwn lo, gyoengqde dauq roengz gwnz dieg. Duzbiengz- beih naeuz：“Mboujyawx raeuz aeu byukgyaeq daeuj guh liengj dangj fwn ha.” Yienghneix, gyoengqde sikhaek con haeuj laj byukgyaeq bae, youq ndaw byukgyaeq raeujrubrub, mbouj deng dumz saekdi.

Mbwn menhmenh laep lo, duznon iq aeu mbawfaex ndeu, goemq gwnz ndang bonjfaenh caeuq duzmoed iq、duzbiengz- beih iq. Gyoengqde aeu byuk- gyaeq daeuj guh mbonq, ninz youq gwnzde, haemq vaiq couh guh fangzhwnzloq……（Vuh Yijsenh）