7 nyied 23 hauh, Liujcouh Si guh“gimq doeg senhconz haeuj fanh gya”vwnzyi biujyenj hozdung haeuj Yungzanh. Liujcouh Si aeu ndaej aen mingzdaeuz“Aen Si Guhyiengh Gimq Doeg Daengx Guek”, vih gyamaenh aen makbaenz gimq doeg couh banh buek hozdung neix. De dawz gij cihsiz gimq doeg yungzhaeuj ndaw cezmuz bae, hawj vunzlai Yungzanh itmienh yawj cezmuz itmienh daezsang gij swhsiengj caeuq naengzlig roxnaj huqdoeg、fuengz doeg、mbouj gwn doeg, hawj cihsiz gimq doeg haeuj uk haeuj sim, hawj daengx biengz doxcaez gimq doeg.

（Cinz Gozcwng Cangh Cing / 陈国正 张 静）