Mboengqneix, Bingzgoj Si Vwnz- yoz Yisuz Gai Lenzhozvei laebbaenz le Aen Hezvei Canghraiz Sawcuengh. Gyawj geij bi neix, aen si neix gungh miz 30 boux canghraiz、 cozcej laeb- daeb aeu Sawcuengh raiz saw. Gij sawcuenh、sanjvwnz、sei daengj gyoengqde ndaej fatbiuj youq banj Sawcuengh 《Gvangjsih Minzcuz Bau》caeuq《Sam Nyied Sam》gwnzde. Miz haujlai bien cozbinj lij aeu ndaej Sawcuengh vwnzyozciengj、Gvangjsih sevei gohyoz youhsiu cwngzgojciengj daengj. Neix vih lwnhgangj gij cwngcwz aendangj caeuq guekgya、coicaenh gij vwnzyoz cangcoz Bouxcuengh hwngfat okrengz. Aen si neix laebbaenz aen hezvei, gujli gyoengq canghraiz、cozcej engq gaenxmaenx raiz saw, gungganq ok aen vunzcaiz duivuj aeu Sawcuengh raiz saw rengzhoengh ndeu, cauhguh aen cindi aeu Sawcuengh raiz saw engq ndei ndeu, coicaenh gij saehnieb vwnzyoz yisuz Bingzgoj Si guh ndaej engq hoenghhwd.

（Yiz Ciz / 余 执）