7 nyied 23 hauh, Cunghgoz Minzcuz Yijvwnz Fanhyizgiz hawj Nanzningz Si Duzsuhgvanj caeuq gij hagdangz son’gyauq Cuengh Gun、gak gaep siujsoq minzcuz yijyenz vwnzsw bumwnz Nanzningz Si soengq le 9000 bonj《Cungguek Baenzlawz Dingjfuengz Binghraq Bwtndat 》 (banj Sawcuengh). Bonj saw neix geqgangj le vunz Cungguek dwg baenzlawz dwgrengz dingjhoenx、fuengzre binghraq bwtndat, baijok gij saenqsim、ligliengh doxgiet doxgap、hoenxhingz binghraq, hawj gyoengq ganbu vunzlai engq rox gij makbaenz fuengzre binghhraq dwg youz Dangjcunghyangh dazyinx aeu ndaej haenx, caiq dawz gij swhsiengj caeuq hengzdoengh daengx guek gak cuz ganbu ginzcung dungjyiz daengz gij gezcwz baijbouh Dangjcunghyangh bae, caezsim comzrengz veh ndei aen“gien doengzsim”doxgiet baenaj ndeu.

(Vangz Yinz Vangz Cauzveij / 黄 云 黄朝伟)