Mboengqneix, gij dangjyenz Vanzgyangh Mauznanzcuz Swciyen Dacaiz Yangh faen song buek bae daengz Hingh’anh、 Cenzcouh guh hozdung “hag lizsij aendang、gyo’mbaiq aendangj、riengz aendangj baenaj”hag gij cingsaenz Ciengzciengq Sienghgyangh, gyaepra cingsaenz Cangzcwngh, daj son’gyauq lizsij aendangj ndawde supaeu rengz baenaj.

Gyoengq dangjyenz youq hingh’anh、 Cenzcouh ngonzyawj le Gaisouj Du’gyangh Maxdaeuz、 Hungzginh Cangzcwngh Sienghgyangh Canyiz Geiqniemhgvanj daengj dieg, caiq dauqun le gij vahmieng haeujdangj, daj gij ginglig gwzming yinghyungz hagsib gij cingsaenz gwzming fouzsei okrengz、haenqrengz buekguh bouxgonq. Daihgya cungj naeuz aeu ciengxlwenx geiqmaenh gij cingsaenz Cangzcwngh hungmbwk haenx, dawz gij makbaenz son’gyauq lizsij aendangj bienqbaenz gij rengz baenaj, mboujduenh genhding gij saenqsim baenaj, mbouj lumz simnduj, gungroengz hojnanz, youq gwnz vihhong swhgeij vih vunzlai guh saedsaeh.

(Veiz Yencunh / 韦艳春)