Ndwen 7 ngoenz 8, Sanhgyangh Dungcuz Swciyen Linzhih Cin Cwngzyangz Cunh banh aen hozdung“yezyej” Cwngzyangz Bazcai cauhlaeb guekgya 5A gaep lijyouz gingjgih, vunzlai dangdieg yungh Heiqdung、dohyeh、gobizbaz Dungcuz、go foux minzcuz daengj hingzsik lai yiengh beksingq haengj dingq gyaez yawj haenx, comz rengz senhconz hong cauhlaeb gingjgih、ciubing daengj mizgven cwngcwz caeuq ciengzsik, haenqrengz langhbaij gij fungcingz lai yiengh Mbanjdung, bangdoi gak hangh hong guh ndaej rengzrwd.

(Gungh Bujgangh)