Ban dou miz duz “saehaexma” ndeu, vunzlai vihmaz heuh de guh “saehaexma” ne? Aenvih de guh saeh numq raixcaix.

Baez gangj daengz duz “saehaexma” ban dou, boh- meh caeuq lauxsae de cungj vih de youheiq. Dou doengz sij cozyez, ciengzseiz dwg, dou sij yieb Sawgun ndeu, de cij sij ndaej buenq coij; dou sij cuj daez suyoz ndeu, de cij sij ndaej daez ndeu. Dou hwnj goq dijyuz, lauxsae heuh dou buet, dou buet cib yamq, de itbuen cij buet yamq roxnaeuz song yamq. Ngoenznaengz cijaeu daihgya doengz bae hagdangz, de cungj numqnwknwk, ciengzseiz hwnjdangz le cij daengz ndawban. Mbat gonq lauxsae gauj dou yijvwnz caeuq suyoz, mbaw sigenj de cij dienz le song sam aen hoengq. Ceiq youqgaenj dwg mbat gonq lauxsae heuh de cuengqhag le maranz vaiq di, de gingqyienz youq gwnz cauhcangz guhcaemz byongh ngoenz, bohmeh de simgaenj raixcaix.

Gou rox aen yienzaen duz “saehaexma” guh saeh numq lo, aenvih de guh saeh coengzlaiz mbouj simgaenj gvaq, cungj gag guhcaemz nyoeknyoek, caemhcaiq de cungj maij gag gwn saejdaeuz. Gvaqlaeng gou yaek bang de, lauxsae caeuq doengzhag hix yaek bang de. Gou maqmuengh vunzlai bang de le, de couh caeux di dawz gij yienghceij lumj “saehaexma” nei gaij ndei, bienqbaenz boux lwgnyez guh saeh riengjvaiq ndeu!

（Hoznanz Swngj Dangzhoz Yen Daihhaj Siujyoz ngeih nienzgaep ban 8 Liuz Cauh sij ,Veiz Yinyiz hoiz)