5

Riengz dwk seizcin yaek daeuj- daengz, Siujvwnz yawj goyizcienz baezsoq engq lai lo. Hoeng de yawj goyizcienz baezsoq yied lai, ndawsim couh engq caemrig siliengz lo.

Doengh bi seizcin, doengzhag ndawban cungj doxcanj daeuj yawj go faexyizcienz neix, hoeng bineix seizcin……

Duzcinglingz faexyizcienz yawj aennaj Siujvwnz gig doeknaiq, de mbouj lijgaij dwk cam: “Gou dwg gofaex mwngz boux dog, mbouj ndei ha?”

Siujvwnz yawj de haemq nanz cij naeuz: “Mwngz rox Gijgangh vihmaz nyienh caeuq gou guh baengzyoux lwi? Dwg aenvih vayiz- cienz. Gou gaenq dapwngq de, hawj de boux daih’it daeuj ndawranz yawj goyizcienz. Mwngz ndaej mbouj ndaej bienqbaenz go faexyizcienz hung daihgya cungj yawj ndaej raen ndeu, ngoenz ndeu hix ndaej.” Siujvwnz yaek gangj mbouj gangj dwk naeuz.

6

Siujvwnz iu doengzhag ndaw- ban daeuj yawj goyizcienz. Daihgya bin hwnj gwnzfaex, lumj doenghbaez nei angqyangz guhcaemz, mbwn laep le cij baema.

Siujvwnz lumh ngafaex deng euj raek, mbawfaex loenq roengz haenx, sim baenz mbat baenz mbat in dwk.

Gyanghwnz, Siujvwnz lumj- baenz dingqnyi miz vunz heuh de.

“Siujvwnz—— Siujvwnz—— caiqraen—— caiqraen!” Sing de miz gij siengsim caeuq sij mbouj ndaej.

Siujvwnz hai aenda de, hoeng de saedcaih baeg lai lo, baenzlawz hix hai mbouj ndaej.

Ngoenz daihngeih, de buet ok ranz bae, ndawhongh hoengq- hanghang—— yawj mbouj raen goyizcienz lo. De ngaem gyaeuj roengz, lae roengz raemxda ienqhoij. Ndaw raemxda, de sawqmwh yawj- raen goyizcienz gaxgonq ndaem haenx did ngaz iq ok daeuj.

Dang ngaz iq menhmenh majhung, maj baenz goyizcienz he, duzcinglingz faexyizcienz haengj- dingh lij dauqma. Siengj daengz neix, ndawsim Siujvwnz youh cungmuenx maqmuengh ……

(Gyah Yingj) (sat)