Bouxsonlienh dwkgienz gou dwg bouxsai, hoeng de cix dangq byoemgyaeuj gienjgut. Neix hawj gou siengj daengz le bohnax Maj Siujdiu, bohnax Maj Siujdiu coh de heuhguh Dingh Gwz, gij byoemgyaeuj bohnax Dingh Gwz couh miz lai cungj nganzsaek. Nanzdauh bouxsonlienh neix caeuq bohnax Dingh Gwz dox- lumj, hix dwg “bouxvunz ciuzlouz”? Gou roxnyinh geizheih couh cam: “Mwngz vihmaz dangq gij byoem- gyaeuj mwngz gienjgut nyungqnyat yienghneix ne?” “Mizyinx vei!” Siengj mbouj daengz bouxsonlienh couh seizbienh gangj coenz vah yienghneix. Ndigah, gou couh heuh de guh “bouxsonlienh yinx guh- caemz”.

Gou nyinhnaeuz lienh dwkgienz naiq raixcaix ha! Moix baez lienh dwkgienz roengzdangz le, gou cungj ndang naet rengz naiq liux. Hoeng moix baez roengzdangz gaxgonq, bouxsonlienh cungj cam: “Miz mbouj mizyinx ha? Sangj mbouj sangj ha?” Dou doengzcaez han naeuz: “Mbouj mizyinx, hix mbouj sangj saek di!” Doeklaeng, bouxsonlienh riugan naeuz: “Yienghneix raeuz couh youh daj goek lienh baez ndeu, lienh daengz sou nyinhnaeuz mizyinx, nyinhnaeuz sangj cij ndaej!” Sik- haek, dou deng hwk dwk lienz- muengz doiqlaeng, singhung hemq naeuz:“Mizyinx! Sangj raix- caix……” Ai, caen doiq “boux- sonlienh yinx guhcaemz” neix mbouj miz banhfap.

Riengz “bouxsonlienh yinx guhcaemz” hix miz gij saeh mizyinx. Gij lem ha, faexgyaengh ha, giemq ha, mid ha……baez daengz ndaw fwngz de, couh bienqbaenz doengh- yiengh guhcaemz. De saj gij doengh- yiengh neix caen saenzgeiz ndeiyawj, dou yawj dwk dava da’ngawz bae. Mwh roengzdangz yietnaiq, de lij cawx saekdi sietdiuz ha, gvehoengz ha, bingj saejdaeuz ha……dangqguh ciengj fat hawj dou. Caen dwg ndeigwn youh mizyinx!

(Anhveih Swngj Vangzsanh Si Youhningz Yen Haijyangz Daih- ngeih Siujyoz ngeih nienzgaep ban 5 Hungz Swjyinh sij， Veiz Yinyiz hoiz)