3

“Siujvwnz—— Siujvwnz——”

Siujvwnz daj ndaw maex- muenh singj gvaqdaeuj, yawjraen lwg vunz iq ronghcingx ndeu ndwn youq gwnz daizcueng vad fwngz coh de.

Siujvwnz ganjgip daj gwnz mbonq naengh hwnjdaeuj.

“Mwngz mbouj rox gou luma?” Lwgvunz iq yat daengz henz ndang Siujvwnz cam.

Siujvunz yawj lwgvunz iq, lwgvunz iq ndaw ndang ronghcingx de miz vayizcienz loenq roengz- byoegbyoeg, gyaeundei dangqmaz.

Siujvwnz siengj hwnj geij bi gonq haemh seizhah ndeu, de caeuq daxbuz naengh youq goek goyizcienz aeuliengz, yawjraen gwnz nga faex naengh miz lwg vunz ronghcingx ndeu. Mwh de heuh daxbuz yawj, lwgvunz iq mbouj raen lo.

“Mwngz dwg duzcinglingz faexyizcienz?” Siujvwnz doeksaet hemq sing ndeu.

Lwgvunz iq ngaekngaek gyaeuj: “Goyizcienz ndawhongh yienznaeuz mbouj youq lo, hoeng gou lij youq neix, ndigah mwngz gaej daiq siengsim lo.”

Lwgvunz iq heuh Siujvwnz daeujdaengz ndawhongh, de baenq ndang mbat he, bienqbaenz go faexyizcienz hung ndeu lo.

Siujvwnz yawj go faexyizcienz neix, gwnz nye mbaw mwncup heuyau, gwnz faex venj miz baenz roix baenz roix vayizcienz hausag ronghcingx lumj nae nei.

“Gou bienqbaenz go faex- yizcienz dan mwngz cij yawj ndaej raen ndeu, gou dwg goyizcienz mwngz boux dog.” Go faexyizcienz neix ngauzdoengh nye mbaw coh Siujvwnz, angqvauvau naeuz.

Siujvwnz raemxda lae’byoeg- byoeg, gamjdoengh dwk umj dawz goyizcienz.

(Gyah Yingj) （4）