Cieng daengz lo, cieng daengz lo! Caeux couh muengh cieng daeuj- daengz. Bouxgeq bimoq daiq gij angqyangz de daeujdaengz henz ndang raeuz, raeuz naj riu lumj va hai nei.

Gvaqcieng lo, daihgya cungj dawz gij bauqva caeux couh bwh ndei haenx, buet daengz gyang- hongh, angqvauvau diemj dawz de, gyaeu lai lo, gwnzmbwn sawqmwh hai ok baenz duj baenz duj va gyaeundei, gyangmbwn bienq ndaej ronghsagsag. Gehhongh luengqranz cungj dwg aen seiqgyaiq lwgnyez.

Gvaqcieng lo, gou caeuxcaeux ma daengz ranz daxgoeng daxbuz, soengq hawj gyoengqde coenz vah hohfuk ndeu: “Hoh daxgoeng daxbuz ndwencieng angqyangz, ndangdaej cangq!” Banhaemh gou fat saenqdinj hawj lauxsae: Hoh mwngz ndangdaej cangqndei, saehsaeh swnhsim! Hag- seng mwngz : Luz Yauz. Yienghneix lauxsae hoiz saenqdinj hawj gou sij naeuz: Docih mwngz, hoh mwngz bimoq angqyangz, hagsib cinbu! Gou yawj sat le ndawsim diemzsisi.

Gvaqcieng lo, cienzbau gou youh lai le cien maenz ngaenz, caen siengj byotbyangq yungh bak maenz ngaenz ndeu, hoeng youh siengj daengz vah daxbuz: “Daxboh ra cienz mbouj yungzheih, cienz itdingh yungh youq giz ceiq youq- gaenj haenx.” Gou couh nyaenx youq lo.

Gvaqcieng lo, gou youh maj- hung bi ndeu lo, ndang maj sang lo, maj naek lo, hix maj le haujlai cihsiz lo, gou hix wnggai engq roxsoq lo.

Bouxgeq bimoq, docih mwngz daiq daeuj faenh angqyangz neix, youq bineix, gou itdingh aeundaej cingzcik ndei hawj mwngz angq- faengz. Mwngz saenq gou ba! Vih gou gyayouz ba!

(seiq nienzgaep Luz Yauz)