11 nyied 12 hauh, Lungzswng Gak Cuz Swciyen Lungzswng Siujyoz banh Gaiq Daihcib Cietdijyuz Vwnzva Minzcuz, gij cawjdaez dwg “lienh ak ndang- daej, langhbaij yienghndei, docih aendangj”. Gij hanghmoeg doxdax miz gyoengqvunz bengcag、beq laep ciep dom、diuqsang、 diuqcag、doxdax buet daengj, gungh miz 1200 lai vunz camgya doxdax, daengx aen hagdangz angqangq yangzyangz. Gyawj geij bi neix daeuj, aen yienh neix dawz gij hanghmoeg dijyuz conzdungj gya haeuj ndaw godangz dijyuz bae、hwnqguh caeuq guh ndei gij sezsih dijyuz segih、youq ngoenz cietheiq conzdungj gak aen yanghcin banh gak cungj dijyuz doxdax conzdungj minzcuz, haenqrengz hwngfat gij dijyuz yindung conzdungj minzcuz vunz- noix.

(Vuz Swnghbinh Moz Danh/吴生斌 莫 丹）