Mboengqneix, Bwzswz Si Yougyangh Gih Cizsuz Gihgvanh Gunghveij cujciz gij gihgvanh dangjyenz Gihveij Dungjcanbu daengj bae daengz “Ranzmbanj Lauxyieng” gwnz gai Lungzgingj Sizlungz Segih, gawjbanh aen hozdung haeuj segih lwnhgangj “minzcuz doxgiet bang duetgungz·segih dangj ginz sim lienz sim” caeuq daih godangz vwnzmingz saedguh seizdaih moq gij cingsaenz Gaiq Daihcibgouj Haj Cung Cienz- hoih Aendangj. Vihliux hawj gij neihyungz lwnhgangj dep diegheiq、vunzlai dingq ndaej rox、geiq ndaej maenh, bouxlwnhgangj dawz gij neiyungz lwnhgangj bien baenz vahdamzraih, aeu Vahgun caeuq Vahcuengh song vah neix bae lwnhgangj. Gaijgez le gij vwndiz mbangjboux vunzlaux Bouxcuengh dingq mbouj rox Vahgun haenx, rag gyawj gij gvanhaeh gyoengqvunz caeuq bouxlwnhgangj, baujmaenh gij cingsaenz baez hoih neix ndaej haeuj rwz、haeuj sim, cienz gij sing ndei Dangjcunghyangh. Baenz bak boux vunz dangdieg bae daengz yienh- ciengz dingq lwnhgangj.

(Vangz Sui Vangz Saugyangh/黄 瑞 黄少江)