11 nyied 13 hauh, Swcigih Dangjveij Senhconz Bu、Swcigih Vwnzmingzban cujciz heiqmoegyou lwgnyez maenh- ndei 《Duzromh Iq Mbanj- cuengh》 bae Lozcwngz Mulauj- cuz Swciyen Doengmonz Cin Gyaeujgiuz Siujyoz banh aen cunzyienj hozdung. Biujyienj heiq ndei hawj gij lwgnyez dieggungzhoj haenx. Gyoengq canghheiq youq ndaw biujyienj gyoengqde yungzhaeuj le gij yisuz dungman, hawj gij gingdienj lizsij lix gvaqdaeuj, langhbaij le gij boiqgingj caeuq ginggvaq Bwzswz Gijyi, dajcauh aen yienghsiengq yinghyungz lwgnyez singqheiq ronghsien haenx. Gij gojgaeq sawj vunz sim gaen dwk hwnjroengz haenx hawj gyoengq lwgnyez roxyiuj lizsij, yawjdij gij saedceij seizneix, gyo’mbaiq gij ndwen- ngoenz hoj ndaej haenx, mizyauq gung gij cingsaenz gyaezguek cujyi, haeuj ndei aen lwggaet daih’it seiqvunz.(Mungz Cwnghswh/蒙增师)