11 nyied 13 hauh, youq Yungzsuij Myauzcuz Swciyen Minzcuz Cunghyoz, boux canghyw ndeu son gij cihsiz gohbuj goeng’ik coemh logsieng hawj lwghag. Laebdaeb geij ngoenz neix daeuj, Yungzsuij Gyauyuz Giz、Veiswngh Gengangh Giz、aen duenzdoih Gyangqyih Cunghyih Yihyen Baksieng Coihfukgoh lienzhab gawjbanh aen gyangjco “Bi 2020 Yungzsuij mboengq gohbuj coemh logsieng” ndeu. Gij canghyw duenzdoih Gyangqyih faen baenz 5 cuj faenbied bae daengz daengx yienh 100 aen cungh siujyoz caeuq youwzyenz, son gij cihsiz gohbuj goeng’ik coemh logsieng hawj lwghag, mauhgvaq 2 fanh boux lwghag bae dingq.

(Liu Swjyenh/廖子渊)