Dwglau lai lo! Boh ha. Gou mbouj yaeuh mwngz go! Lwg guh aen loq- fangzhwnz ndeu dahraix——

Doenghgo faexlwg ngoenzlwenz mwngz bae gwnz bya raemj ma guh fwnz dwkfeiz de, bienqbaenz faex- gyaengh raezrangrang rox moeb vunz, lij rox gangjvah dem. Gyoengqde moeb gou, hozhwnj fofo naeuz:

Daxboh mwngz raemj dou raek bae,

Dou hix raemj hwet mwngz raek bae! ……

Dwglau lai lo!

Dwglau lai lo! Beixmbauq ha. Gou mbouj yaeuh beix go! Nuengx guh aen loqfangzhwnz ndeu dahraix——

Geij duz ronghrib ngoenzlwenz mwngz gaeb daeuj coq ndaw bingz de, bienqbaenz duzroegfeiz laux gvaq gou bae, lij rox gangj vah dem. Gyoengqde gaeb gou mbin haeuj ndoeng bae, hozhwnj fofo naeuz:

Beixmbauq mwngz gyaeng dou youq ndaw bingz,

Dou hix gyaeng mwngz haeuj ndaw gamj laepngaungau bae!……

Dwglau lai lo!