Baezbaez bae gwnz bo yawjraen gova gyaeundei de, mwngz vihmaz baezbaez cungj mbaet gaem ndeu dauqma, baek haeuj ndaw bingzgingq bae ne?

Mwngz naeuz, mwngz gyaez doenghgij va gyaeundei neix.

Mwngz gangjyaeuh! Beixmbauq ha.

Langhnaeuz mwngz gyaez dahraix, vihmaz euj nyinghva raek bae, hawj de reuqdai youq ndaw bingz ne?

Langhnaeuz mwngz goj dwg duj va ndeu, langhnaeuz goj miz vunz mbaet mwngz baek haeuj ndaw bingz bae, mbouj hawj mwngz maj youq ndaw namh, mbouj hawj mwngz gwn raemxraiz coux daengngoenz hailangh, yienghneix dwg gyaez mwngz ha? Beixmbauq ha.

（Daj《Bonjsei Sim Lwgnyez》（Veiz Gizlinz raiz）senj okdaeuj, Lwg- fwngzmeh/卢奋长 hoiz）