9 nyied 22 hauh daengz 23 hauh, aen hozdung Gvangjsih nungzminz com yienj cezmuz vwnzyi youq Hocouh Si Bazbu Gih、Bwzhaij Si Hozbuj Yen、Yilinz Si Hinghyez Yen、Bwzswz Si Denzyangz Yen 4 aen hoihciengz neix guhsat lo. Aen hozdung neix daj bineix 4 nyied hainduj doxdaeuj, youq daengx gih 14 aen si gungh yienj 770 aen cezmuz, 1.4 fanh lai nungzminz lajmbanj camgya. Geij aen hoihciengz neix gungh comz miz 1300 bouxyienj yienj 109 aen cezmuz. Gyoengq nungzminz lajmbanj neix yienj cezmuz angq lwnh sou ndaej lai, doengzcaez gangj saedceij siujgangh; haujlai cezmuz miz gij daegsaek Bouxcuengh、Yauzcuz、Myauzcuz daengj, bouxyawj maij yawj caeuq haenhndei. Ndaw doz dwg gyoengq bouxyienj Yungzsuij youq Hocouh Si yienj diuqfoux 《Cingz Bya’myauz》.

（Liu Cujbingz/廖祖平）