Geij ngoenz gonq, Swcigh Dangjveij、Cwngfuj yaenqfat《Aen Fangh’an Hengz〈Gij Yigen Cunghgung Cunghyangh、Gozvuyen Vixyinx Gak Baih Youq Seizdaih Moq Doinyoengx Ranghdieg Baihsae Daih Haifat Guhbaenz Aenbuenz Moq〉》（baihlaeng neix gangj dinj baenz《Aen Fangh’an》）, ok 7 cungj 40 aen banhfap, aeu daeuj doinyoengx gih raeuz hailangh suijbingz lai sang hwngfat baenaj lai ndei.

《Aen Fangh’an》neix ok 7 cungj banhfap hengz《Gij Yigen Cunghgung Cunghyangh、Gozvuyen Vixyinx Gak Baih Youq Seizdaih Moq Doinyoengx Ranghdieg Baihsae Daih Haifat Guhbaenz Aenbuenz Moq》. 7 cungj banhfap neix baudaengz: Hawj gijnyieg bienq ak, bouj gizdinj, cuk gij diekdaej hwngfat lai maenh; yungh gij leixniemh hwngfat moq vixyinx gih raeuz canjnieb lai ndei hwngfat; doengzcaez hwnqguh“it rangh it roen”, dazyinx gyavaiq cauhlaeb aenbuenz moq cienzbouh hailangh couhdwg“yiengq coh baihnamz、lienz doeng baihbaek、yungz haeuj baihdoeng、gap daengz baihsae”; cat seuq gaiqbaiz gim couhdwg bya heu raemx saw, hwnqguh aen Gvangjsih ndeiyouq ndei guhhong; caiq gyalaeg gaijgwz giz youqgaenj, gyaak rengzdoengh hwngfat; haenqrengz bauj hawj vunzlai gwngwn daenjdaenj lai ndei, coinyoengx aenbiengz huzndei onjdingh; baengh gaujhwz、caizcwng、ginhyungz、canjnieb、vunzcaiz、cwngcwz daengj gyarengz haeujcoengh, gyaak cujciz baujcang.

（Gangh Anh/康 安）