Fwj couh lumj lwg manz ndeu,

Youq gyangmbwn cwxcaih guhcaemz.

De ceiq maij bienq fapswd hawj raeuz.

Mwngz yawj,

De bienqbaenz bya iq youzyedyed;

Mwngz yawj,

De bienqbaenz duzbit bi’ndeundeu.

Guhcaemz baeg le,

De couh bienqbaenz naedfwn iq,

Doek roengzdaeuj, danz ok diuzgo rwenzrwz.

Yaep ndeu, daengngoenz okdaeuj lo,

De bienqbaenz fwi mbin hwnj gwnz mbwn bae,

Dauq bienqbaenz fwj.

Seizdoeng,

De bienqbaenz naednae,

Buenx lwgnyez doi vunznae, hoenxciengq nae;

Seizhah,

De miz daxgoeng daengngoenz bang,

Youh bienqbaenz fwi mbin hwnj gwnz mbwn

bae,

Ma ranz lo.

A,

Gou hix siengj bienqbaenz duj fwj he,

Duj fwj cwxcaih ndeiyouq he!

(ngei nienzgaep Lij Sinhyauz)