Meh ha, mwngz cam lwg vihmaz gyaez bae gungxdah laj ndoibya liuh.

Raiq baihde miz lailai rin- gyaeq gyaeundei dangqmaz, mbouj miz bouxlawz leixlangh gyoengqde. Langhnaeuz gou mbouj bae, couh mbouj miz vunz gyaez gij gyaeundei gyoengqde lo; yienghneix gij gyaeundei gyoengqde couh fwzrwkrwk lo, mbouj dwg ma? Langhnaeuz fwzrwkrwk, daengz laeng gyoengqde lij gyaeundei baenzneix dem lwi?

Ndaw raemx baihde miz doenghgij byalwg dwggyaez youz bae youz dauq, mbouj miz bouxlawz leixlangh gyoengqde. Langhnaeuz gou mbouj bae, couh mbouj miz vunz gyaez gij dwggyaez gyoengqde lo; yienghneix gij dwggyaez gyoengqde couh caemrwdrwd lo, mbouj dwg ma? Langhnaeuz caemrwdrwd, daengz laeng gyoengqde lij dwggyaez baenz- neix dem lwi?

（Daj《Bonjsei Sim Lwg- nyez》（Veiz Gizlinz raiz）senj okdaeuj, Lwgfwngzmeh / 卢奋长 hoiz）