Nae yungz sat, namh loh okdaeuj, gizgiz nyouq daengz heiq seizcin.

Gwnz gofaex hung mbawoiq loh aen’gyaeuj iq de okdaeuj. Gyoengqde ngamq daeujdaengz aen seiqgyaiq neix, doiq gijmaz cungj geizheih——Yawjraen gyaqci buet bae lumj mbin nei, dingqnyi raemxrij ciengqgo “vava”, nyouq daengz baenz raq baenz raq feihhom vadauz, cungj angqfwngfwng diuqfoux daemh- din. Seizgan daengngoenz dak daihdeih yied daeuj yied raez, duzmoed、saehaexma cungj buet daengz laj gofaex hung guhcaemz guh’angq.

Seizhah ndatfoed laeglemx daeujdaengz, daengngoenz ndat- fwdfwd ring gofaex, mbawfaex daenj geubuh heuyau, gyoengqde yungh rengz iet aen ndang, dawz swhgeij bienqbaenz aen liengj hung ndeu, duzmoed、saehaexma cungj daeuj yietliengz lo.

Ciengz fwncou he ciengz nit he, mbawfaex roxnyinh daengz haethaemh nitsisi. Gyoengqde daenj geu buhhenj youq gyang rumz saenzdwddwd. Raq rumz- cou he bongj daeuj, mbawfaex biek gofaex hung bae, coemj haeuj ndaw rungj daxmeh daih- deih bae. Mbaw ndeu, song mbaw, sam seiq mbaw…… Gyoengqde hawj daxmeh daih- deih bu hwnj caengz damj nanwt ndeu.

Mbouj roxnyinh daengz seizdoeng gaenq daeujdaengz lo, gofaex hung ngiengx gyaeuj yawj naed nae daih’it mbin roengz- daeuj, ciepdwk ciengz nae hung deu doeksadsad, nae hoemq caez mbawfaex. Gofaex hung yawj gyoengq lwgnyez doi vunz- nae, dingq sing riu hihi haha gyoengq lwgnyez ninzndaek lo.

Caj daengz seizcin, gofaex ndiu le, mbawfaex youh iet aen- gyaeuj oiqet de okdaeuj!

(ngeih neinzgaep Vuj Yinzdoj)