Gou miz aen guenqromcienz ndeu, baihnaj caeuq baihlaeng de cungj miz lwgvunz riuhoho, couh lumj dwg vih gou moix baez rom ndaej cienz simhai riuhoho nei, hix lumj dwg daezsingj gou gaej luenh sai cienz.

Daxbuz ngoenzngoenz hawj gou song maenz ngaenz, gou moix ngoenz cij yungh maenz ndeu. Lw maenz ndeu gou dawz de cuengq haeuj ndaw guenqromcienz bae rom. Ciuq yienghneix suenq, gou singhgiz ndeu couh rom ndaej caet maenz. Ndwen ndeu couh rom ndaej samcib maenz, song ndwen couh rom ndaej roekcib maenz. Daengz seiz daxbuz gvaq ngoenzseng, gou couh ndaej cawx bog va ndeu soengq hawj daxbuz lo, daxbuz haengjdingh gig gamjdoengh.

Gvaqlaeng, gou lij yaek rom engq lai cienz, rom ndaej cienz le aeu daeuj cawx gouh haizrodnae ndeu. Daengz seiz gou caeuq dahnuengx couh ndaej doxcaez hag rodnae lo.

Yienghneix daeuj yawj, aen guenq- romcienz gou couh lumj aen loengxbakbauj ndeu. Gou yied daeuj yied gyaez aen guenqromcienz gou lo!

(ngeih nienzgaep Cwnz Gyahyih)